Í Breiðargerði er stunduð lífrænt vottuð grænmetisræktun. Aðallega er um útiræktun að ræða, en framleiðslan fer einnig að litlu leiti fram í óupphituðum gróðurhúsum. Framboð á grænmeti er því bundið uppskerutíma þess, og er mest seinnipart hausts. 

​

Samhliða grænmetisræktuninni er framleitt fjölbreytt úrval af sælkeravörum, svo sem Gulrótachutney og Grænkálssalt. Í þá framleiðslu er nýtt útlitsgallað grænmeti og aðrar aukaafurðir frá grænmetisræktuninni, auk villtra plantna sem safnað er í Breiðargerði. Framleiðslan á sælkeravörunum  hjálpar til við að vinna gegn matarsóun á garðyrkjustöðinni og skapar verðmæti úr annars vannýttu hráefni. 

Fyrir vikið stjórnast vöruúrval af því hvaða hráefni falla til, og framboð getur verið breytilegt og árstíðabundið.

​

Endilega skoðið framleiðsludagatalið til þess að glöggva ykkur betur á hvað er í boði hverju sinni, og hvar vörurnar er helst að fá.